- professor – 4 nafar (3 nafar erkak, 1 nafar ayol)

- dotsent – 2 nafar (2 nafar erkak);

- katta o‘qituvchi – 3 nafar (3 nafar erkak);

- o‘qituvchilar – 11 nafar (7 nafar erkak, 4 nafar ayol).

Kafedra a’zolarining o‘rtacha yoshi 35-40 yoshni tashkil qiladi.

Ilmiy salohiyat asosiy shtatdagi professor-o‘qituvchilar hisobiga 42,85 %ni tashkil etadi.

Kafedra bakalavriat bosqichining 60112400-Professional ta’lim: 60211400-Vokal san’ati: an’anaviy xonandalik hamda 60112400-Professional ta’lim: 60211500-Cholg‘u ijrochiligi: an’anaviy cholg‘ular ta’lim yo‘nalishlari bo‘yicha kunduzgi va sirtqi ta’lim shakllarida, 60111300 - Musiqa ta’limi yo‘nalishlarida mutaxassislar tayyorlaydi. Shulardan, hozirgi kunda kunduzgi ta’lim yo‘nalishlarida 73 nafar va sirtqi ta’lim yo‘nalishlarida 107 nafar talaba tahsil olmoqda.

Ta’lim jarayoni zamonaviy Kredit-modul hamda HEMIS axborot ta’lim tizimi asosida tashkil etilgan. O‘quv rejalar va fanlar bo‘yicha o‘quv dasturlari ilg‘or oliy ta’lim muassasalari tajribalarini o‘rganish va qiyosiy tahlil qilish asosida shuningdek, buyurtmachilarning talablarini inobatga olgan holda yaratilgan. Jumladan, Professional ta’lim: an’anaviy xonandalik va cholg‘u ijrochiligi ta’lim yo‘nalishlari bo‘yicha tahsil olayotgan talabalarga ixtisoslik, ansambl fanlari bilan bir qatorda o‘zi tanlagan qo‘shimcha cholg‘u sozini ham o‘rganish imkoniyati mavjud.

Talabalar mazkur yo‘nalishlar bo‘yicha bakalavriat bosqichini tugatganlaridan so‘ng diplom ilovasiga Davlat Attestatsiya komissiyasi qaroriga binoan 60112400-Professional ta’lim: 60211400-Vokal san’ati: an’anaviy xonandalik ta’lim yo‘nalishi bitiruvchisiga “Maktabdan tashqari ta’lim muassasalari musiqa va san’atga ixtisoslashtirilgan maktab va maktab-internatlarida vokal san’ati (turlari bo‘yicha) fanlari o‘qituvchisi (shuningdek, “Qo‘shimcha cholg‘ularni o‘rganish” fanini o‘zlashtirgan bitiruvchiga o‘rgangan cholg‘usining nomi qavs ichida ko‘rsatiladi)” kasbiy ixtisoslashuv malakasi yozib beriladi.

Ijrochilikda iste’dodi alohida e’tirof etilgan bitiruvchi yakka xonanda, maqom ansambli xonandasi sifatida faoliyat olib borishi mumkin.

60112400-Professional ta’lim: 60211500-Cholg‘u ijrochiligi: an’anaviy cholg‘ular ta’lim yo‘nalishi bitiruvchisiga “Maktabdan tashqari ta’lim muassasalari musiqa va san’atga ixtisoslashtirilgan maktab va maktab-internatlarida cholg‘u ijrochiligi (turlari bo‘yicha) fanlari o‘qituvchisi” kasbiy ixtisoslashuv malakasi yozib beriladi.

Ijrochilikda iste’dodi alohida e’tirof etilgan bitiruvchi ansambl sozandasi, jo‘rnavoz sifatida faoliyat olib borish hamda cholg‘u ijrochiligi turlarining oiladosh cholg‘ulardan kasbiy va pedagogik faoliyat yuritishi mumkin.

60111300 - Musiqa ta’limi: ta’lim yo’nalishi va mutaxassisligi bo’yicha talabalarni o’qitish, ta’lim-tarbiya jarayonlarini uzviy va uyg’unlashgan holda olib borish, ilmiy-pedagogik kadrlar tayyorlash shuningdek, professor-o’qituvchilarning ilmiy-tadqiqot loyihalarini bajarish ishlari amalga oshiriladi.

Professor-o‘qituvchilar va talabalarning ilmiy-ijodiy faoliyatlarini yanada rivojlantirish borasida kafedra tomonidan muntazam ravishda seminarlar, konferensiyalar, tanlovlar, musiqiy kechalar, konsertlar va turli madaniy-ma’rifiy tadbirlar o‘tkazilishi hamda ularni telekanallar va ijtimoiy tarmoqlar orqali namoyish etib borilishi yo‘lga qo‘yilgan.

Hozirgi kunda tahsil olayotgan talabalar orasida “Shuhrat” medali, “Zulfiya” nomidagi davlat mukofoti hamda nomdor stipendiyalar sohiblari ham mavjud.

O‘zbekiston Respublikasi Prezidentining 2017 yil 27 iyuldagi “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to‘g‘risida”gi PQ-3151-sonli Qarori, O‘zbekiston Respublikasi Prezidentininig 2018 yil 7 maydagi “Iqtisodiyot tarmoqlari va sohalariga innovatsiyalarni joriy etish mexanizmlarini takomillashtirish bo‘yicha” PQ-3698 qarorlaridan kelib chiqib fanning ta’lim va ishlab chiqarish bilan integratsiyasi uzviyligini ta’minlash maqsadida Respublika musiqa va san’at kolleji, R.M.Glier nomidagi Respublika ixtisoslashtirilgan musiqa maktabi, V. Uspenskiy nomidagi Respublika ixtisoslashtirilgan musiqa akademik litseyi bilan hamkorlik aloqalari amalga oshirilgan. Qirg‘iziston o‘rtasidagi do‘stona munosabatlar, xalqaro hamkorlik istiqbollarini o‘zaro anglash, musiqa san’ati, musiqashunoslik va musiqa ta’limi sohasidagi hamkorlikni yo‘lga qo‘yish maqsadida Osh davlat pedagogika universiteti bilan innovatsion hamkorlik sharnomalari imzolangan hamda aloqalar o‘rnatilgan.

Kafedra professor-o‘qituvchilari hamkorlik doirasida o‘tkazilayotgan ilmiy-nazariy anjumanlar, ilmiy-ijodiy seminarlarda ishtirok etib kelmoqda.

“Vokal va cholg‘u ijrochiligi pedagoglari tayyorlash” kafedrasida ilmiy-tadqiqot faoliyatiga kafedra istiqbolini belgilovchi asosiy yo‘nalish sifatida qaraladi.

Kafedra bosh mavzusidan kelib chiqib, professor-o‘qituvchilarning ilmiy tadqiqot doirasida olib borayotgan izlanishlarini ommalashtirish va kafedra professor-o‘qituvchilari o‘rtasida o‘zaro ilmiy munozaralarni yuzaga chiqarish maqsadida ilmiy-nazariy seminarlar, mahorat darslari, ijodiy uchrashuvlar muntazam o‘tkazib boriladi.

Kafedra ilmiy tadqiqot faoliyatining ustuvor yo‘nalishlari quyidagilarga qaratilgan:

- kafedraning tasdiqlangan kompleks mavzusi doirasida ilmiy-tadqiqot ishlarini olib borish, ilmiy-tadqiqot ishlarini muhokama etish, nashr etishga tavsiya berish va ularning natijalarini amaliyotga joriy etish, ta’lim, fan va ishlab chiqarishning samarali integratsiyasini ta’minlash;

- ilmiy, ilmiy-uslubiy nashrlar, o‘quv qo‘llanma, o‘quv-uslubiy ishlanma, monografiyalar tayyorlash va chop etish;

- kafedraning ustuvor ilmiy yo‘nalish bo‘yicha amaliy tadqiqotlar ustida ishlashni yo‘lga qo‘yish;

- turdosh muassasa va tashkilotlar bilan ilmiy hamkorlik qilish;

- ilmiy-nazariy, amaliy anjuman, seminarlarda ishtirok etish;

- talabalarning ilmiy-ijodiy faoliyatini tizimli asosda tashkil etish, iqtidorli talabalarni ilmiy tadqiqot ishlariga jalb etish, ularning ilmiy-ijodiy faoliyatini ro‘yobga chiqarish uchun zarur tashkiliy, uslubiy va moddiy-texnikaviy shart-sharoitlar yaratish;

- institut axborot-resurs markazini kafedra ta’lim yo‘nalishlari va mutaxassisligiga oid yangi o‘quv, ilmiy-texnikaviy va davriy adabiyotlar bilan uzluksiz to‘ldirib borish va yangilanishini doimiy nazorat qilish.