Professional ta’lim fakulteti O‘zbekiston Respublikasi Prezidentining 2020-yil 26-maydagi “Madaniyat va san’at sohasining jamiyat hayotidagi o‘rni va ta’sirini yanada oshirish chora-tadbirlari to‘g‘risida”gi PF-6000-sonli farmoni ijrosi bo‘yicha Yunus Rajabiy nomidagi O‘zbek milliy musiqa san’ati instituti Kengashining 2021-yil 30-dekabrdagi 5-son yig‘ilish qaroriga muvofiq tashkil etilgan.

Fakultet – O‘zbek milliy musiqa san’ati jumladan, maqom xonandaligi va cholg‘u ijrochiligi san’ati bo‘yicha professional ijrochi va pedagoglar tayyorlashni, ilmiy tadqiqot ishlari, shuningdek, ilmiy va ilmiy pedagogik kadrlar tayyorlash hamda tashkiliy, ma’naviy-ma’rifiy va tarbiyaviy ishlarni amalga oshirishni o‘z oldiga maqsad qilib qo‘ygan.

Fakultetning ko‘p qirrali faoliyati o‘zbek milliy musiqa san’ati shuningdek, milliy maqom ijrochiligi bo‘yicha ta’lim berish hamda uni rivojlantirish bilan birga, o‘zbek milliy musiqa merosi durdona asarlarini Vatanimizda va xorijda targ‘ib etishga yo‘naltirilgan.

O‘zbek milliy musiqa san’ati jumladan, milliy maqom ijrochiligini keng targ‘ib etish va talaba yoshlarni ma’naviy barkamol etib tarbiyalash fakultetning ustuvor vazifalaridan sanaladi.

5150600 – Vokal san’ati (an’anaviy xonandalik);

60211400 – Vokal san’ati (an’anaviy xonandalik);

5111000- Professional ta’lim: 5150600 – Vokal san’ati (an’anaviy xonandalik);

60112400-Professional ta’lim: 60211400 – Vokal san’ati (an’anaviy xonandalik);

5111000- Professional ta’lim: 5150700 – Cholg‘u ijrochiligi (turlari bo‘yicha);

60112400-Professional ta’lim: 60211400 – Cholg‘u ijrochiligi (an’anaviy cholg‘ular);

60111300 – Musiqa ta’limi;

5A150600 – Vokal san’ati (an’anaviy xonandalik) mutaxassisliklari bo‘yicha ta’limning kunduzgi shaklida bakalavr hamda magistrlar tayyorlanmoqda.

Fakultet- tarkibida «Maqom xonandaligi», «Vokal va cholg‘u ijrochiligi pedagoglari tayyorlash» va «O‘zbek adabiyoti, tillar va gumanitar fanlar» kafedralari mavjud bo‘lib, ularda, 2 nafar professor, 6 nafar fan nomzodi, 6 nafar dotsent, 14 nafar katta o‘qituvchi va o‘qituvchilar shuningdek, O‘zbekiston Qahramoni, O‘zbekiston xalq artistlari, O‘zbekiston xalq hofizlari, O‘zbekiston Respublikasida xizmat ko‘rsatgan artistlardan iborat tajribali professor-o‘qituvchilar jamoasi faoliyat ko‘rsatmoqda.

Fakultetda 2022-2023 o‘quv yilida jami 288 nafar bakalavr, shulardan ta’limning kunduzgi shakli bo‘yicha 1-kursda 93 nafar, 2-kursda 78 nafar, 3-kursda 62 nafar, 4-kursda 55 nafar talaba tahsil olmoqda.

Fakultet talabalarining davlat ta’lim standarti talablari asosida tahsil olishlari uchun barcha shart-sharoitlar mavjud.

Bakalavriat yo’nalishi malaka talablari

5150600 – Vokal san’ati (an’anaviy xonandalik);

60211400 – Vokal san’ati (an’anaviy xonandalik);

5111000 - Professional ta’lim: 5150600 – Vokal san’ati (an’anaviy xonandalik);

60112400 - Professional ta’lim: 60211400 – Vokal san’ati (an’anaviy xonandalik)

5111000 - Professional ta’lim: 5150700 – Cholg‘u ijrochiligi (turlari bo‘yicha)

60112400-Professional ta’lim: 60211400 – Cholg‘u ijrochiligi (an’anaviy cholg‘ular)

60111300 – Musiqa ta’limi;

Fakultetda O‘zbekiston Qahramoni, professor Munojot Yo‘lchiyeva talaba-yoshlarga maqom xonandaligi yo‘nalishi bo‘yicha saboq beradi:

Munojot Yo'lchiyeva nafaqat institut talabalariga, balki Respublikamizdagi barcha musiqa san’ati yo‘nalishlarida tahsil olayotgan yoshlarga milly misiqa ijrochiligi sirlarini “Ustoz saboqlari” orqali muntazam o‘rgatib kelmoqda.

O‘zbekiston xalq hofizi, dotsent Erkin Ro‘zimatovning talaba-yoshlarni mustaqil ijod qilishga yo‘naltirish borasida olib borayotgan samarali faoliyati tahsinga loyiq.